సమావేశంలో యూనియన్‌ రాష్ట్ర ఉపాధ్యక్షుడు రమణారావు, ప్రతినిధులు

కరోనా వైరస్‌ వ్యాప్తిచెందుతుందనే కారణంతో విద్యాసంస్థలకు సెలవులు పొడగించడం సరికాదని ఎస్‌ఎఫ్‌ఐ జిల్లా కార్యదర్శి సీపెల్లి రవీందర్‌ తెలిపారు. సోమవారం ఆయన మాట్లాడుతూ ఆన్‌లైన్‌ తరగతుల నిర్వహణతో పెద్దగా ప్రయోజనంలేదన్నారు. ఇటీవల ప్రకటించిన ఇంటర్మీడియెట్‌ ప్రథమ సంవత్సర ఫలితాలే దీనికి నిదర్శనమన్నారు. కొవిడ్‌ నిబంధనలతో విద్యా సంస్థల్లో ప్రత్యక్ష బోధన నిర్వహించాలని సూచించారు. ఎక్కువ మంది ఉన్నచోట ఉదయం, సాయంత్రం వేళల్లో బోధన చేపట్టాలన్నారు. పాఠశాలలు, కళాశాలల్లో పారిశుద్ధ్య చర్యలు తీసుకోవాలన్నారు.

సెంటినరీకాలనీ: పాఠశాలల్లో ప్రత్యక్ష తరగతుల నిర్వహణకు అనుమతిని ఇవ్వాలని ప్రభుత్వ ఆమోదిత పాఠశాలల సంఘం జిల్లా అధ్యక్షుడు ఎ.కేశవరెడ్డి ప్రభుత్వాన్ని కోరారు. సోమవారం సెంటినరీకాలనీలో ఏర్పాటు చేసిన ప్రైవేటు పాఠశాలల నిర్వాహకుల సమావేశంలో ఆయన మాట్లాడారు. విద్యార్థుల భవిష్యత్తును దృష్టిలో ఉంచుకొని సెలవుల ప్రకటనను విరమించుకొని పాఠశాలల్లో ప్రత్యక్ష తరగతులకు అనుమతి ఇవ్వాలని రాష్ట్రప్రభుత్వాన్ని కోరారు. ఈ సమావేశంలో సంఘం నాయకులు అనిల్‌రెడ్డి, కుమార్‌, తిరుపతిరెడ్డి, శ్రీనివాస్‌ తదితరులు పాల్గొన్నారు.