యువ నేతన్నకు కలెక్టర్‌ ప్రశంస

హరిప్రసాద్‌ నుంచి వివరాలు తెలుసుకుంటున్న అనురాగ్‌ జయంతి

సిరిసిల్ల పట్టణం, న్యూస్‌టుడే: సిరిసిల్లలోని యువ నేత కళాకారుడు వెల్ది హరిప్రసాద్‌ అగ్గిపెట్టెలో ఇమిడే చీరను కట్టుకునే విధంగా తయారు చేశారు. ఉంగరంలో ఇమిడే చీరతో పాటు అనేక ప్రయోగాలు చేయడంతో బుధవారం కలెక్టర్‌ అనురాగ్‌ జయంతి వాటిని పరిశీలించారు. రకరకాల నూలుతో ఇలాంటి ప్రయోగాలు సృష్టిస్తూ సిరిసిల్ల పేరును ఖండాంతరాలు దాటిస్తున్నారని, ఇలాంటి యువ నేత కళాకారులకు ప్రభుత్వం అండగా ఉంటుందని కలెక్టర్‌ పేర్కొన్నారు. ఇంకా అనేక కళాకండాలను తయారు చేయాలని ఆయన పేర్కొన్నారు.