క్యాబిన్‌లో లారీ డ్రైవర్‌ మృతి

మృతి చెందిన వైత్యలింగం

జ్యోతినగర్‌, న్యూస్‌టుడే : ఎన్టీపీసీ ఒప్పంద కార్మికుల ద్వారం సమీపంలో ఓ లారీ డ్రైవర్‌ క్యాబిన్‌లో గురువారం మృతి చెందిన సంఘటన చోటు చేసుకుంది. ఎన్టీపీసీ పోలీసులు తెలిపిన వివరాల మేరకు.. తమిళనాడు తిరువర్రూర్‌కు చెందిన వేలుమురుగన్‌ వైత్యలింగం(48) చెన్నయ్‌ నుంచి సామగ్రిని తీసుకొని ఎన్టీపీసీ ఒప్పంద కార్మికుల ద్వారం వద్ద లారీని నిలిపాడు. విశ్రాంతి తీసుకోవడానికి మరో లారీ క్యాబిన్‌లో నిద్రపోయాడు. నిద్రలోనే మృతి చెందగా స్థానికులు గమనించి 108 సిబ్బందికి సమాచారం ఇచ్చారు. 108 సిబ్బంది పరిశీలించి వైత్యలింగం మృతి చెందినట్లు తెలిపారు. సమాచారం తెలుసుకున్న పోలీసులు మృతదేహాన్ని గోదావరిఖని ప్రాంతీయ ఆస్పత్రికి తరలించారు. కుటుంబ సభ్యులు వచ్చిన తర్వాత పూర్తి వివరాలు తెలియవచ్చని పోలీసులు తెలిపారు.