రోడ్డు ప్రమాదంలో వ్యక్తి మృతి

రామడుగు: రామడుగు మండలం దేశ్రాజ్‌పల్లి బస్‌స్టేజి వద్ద జరిగిన రోడ్డు ప్రమాదంలో ఐలవేని తిరుపతి(35) మృతి చెందాడు. మంగళవారం రాత్రి కరీంనగర్‌ నుంచి వెదిర వైపు బైక్‌పై ప్రయాణిస్తుండగా లారీ ఢీకొని తల పగిలిపోయింది. తీవ్ర రక్తస్రావం కావడంతో సంఘటన స్థలంలోనే తుదిశ్వాస విడిచాడు. తిరుపతి కరీంనగర్‌లో సరకు రవాణా వాహనం నడుపుకుంటూ కుటుంబాన్ని పోషించుకుంటున్నాడు. ఈ క్రమంలో నిత్యం తన స్వగ్రామం కొరిటపల్లి నుంచి కరీంనగర్‌ రాకపోకలు సాగిస్తున్నారు. అనూహ్యంగా రోడ్డు ప్రమాదంలో మృతి చెందడంతో కోరిటపల్లిలో విషాదం నెలకొంది. రామడుగు ఎస్సై కె.అంజయ్య కేసు దర్యాప్తు చేస్తున్నారు.