మార్కండేయ శోభాయాత్ర

నేతన్న విగ్రహానికి పూలమాల వేస్తున్న ఛైర్‌పర్సన్‌ కళ తదితరులు

సిరిసిల్ల (విద్యానగర్‌), న్యూస్‌టుడే: సిరిసిల్లలోని నూలు పౌర్ణమి వేడుకలు శుక్రవారం ఘనంగా జరిగాయి. ఈ సందర్భంగా పట్టణంలోని మార్కండేయస్వామి దేవాలయంలో జంజిర ధారణ జరిగింది. అనంతరం ప్రత్యేక పూజలు చేశారు. యజ్ఞం నిర్వహించారు. సాయంత్రం శ్రీశివభక్త మార్కండేయస్వామి శోభాయాత్రను ఘనంగా నిర్వహించారు. పట్టణంలోని మార్కండేయ దేవాలయం నుంచి గాంధీచౌక్‌, అంబేడ్కర్‌చౌక్‌ మీదుగా నేతన్న చౌక్‌ వరకు ఇది కొనసాగింది. అక్కడ నేతన్న విగ్రహానికి పూలమాలలేశారు. సాంస్కృతిక కార్యక్రమాలు, కోలాటాలతో సందడి చేశారు. కార్యక్రమంలో సిరిసిల్ల పురపాలక సంఘం అధ్యక్షురాలు జిందం కళ, తెరాస రాష్ట్ర నాయకుడు గూడూరి ప్రవీణ్‌, పట్టణ అధ్యక్షుడు జిందం చక్రపాణి, పద్మశాలీ సంఘం అధ్యక్షుడు గోలి వెంకటరమణ, మండల సత్యం, గుండ్లపెల్లి పూర్ణచందర్‌, లగిశెట్టి శ్రీనివాస్‌, కాముని వనిత, దార్నం అరుణ తదితరులు పాల్గొన్నారు.

సిరిసిల్లలో శోభాయాత్రలో పాల్గొన్న పద్మశాలీలు