భార్యను హత్య చేసిన భర్త అరెస్టు

నిందితుడు ప్రవీణ్‌ అరెస్టు చూపుతున్న పోలీసులు

చిగురుమామిడి; న్యూస్‌టుడే: అనుమానం పెనుభూతమై భార్యను నడిరోడ్డుపై గొంతు కోసి హత్య చేసిన ప్రవీణ్‌ను బుధవారం  అరెస్టు చేసి రిమాండ్‌కు పంపినట్లు సీఐ శశిధర్‌, ఎస్సై సుధాకర్‌ విలేకరులకు తెలిపారు. వారి వివరాల ప్రకారం... ఇందుర్తి గ్రామానికి చెందిన కనకం ప్రవీణ్‌తో కేశవపట్నం గ్రామానికి చెందిన శిరీషతో పది సంవత్సరాల  కిందట ప్రేమించి పెళ్లి చేసుకున్నారు. ఇటీవల  శిరీష తరచూ ఇతరులతో సెల్‌ఫోన్లో మాట్లాడుతుండేది. ఎవరితో మాట్లాడుతున్నావని ప్రశ్నిస్తే జవాబు చెప్పకుండా నిర్లక్ష్యం వహించేది. దీంతో భార్యపై అనుమానం పెరిగింది.  ఇద్దరి మధ్య మనస్పర్థలు ఏర్పడి విడివిడిగా ఉంటున్నారు. ఇటీవల భర్త వేధింపులు భరించలేక  శిరీష విడాకుల నోటీసు పంపించింది.  ఈ కోపంతో ఈనెల 15న  ఉదయం  శిరీషను హత్య చేసి ప్రవీణ్‌ పారిపోయాడు. బుధవారం ప్రవీణ్‌ను రిమాండ్‌కు తరలించినట్లు సీఐ ,ఎస్సై  తెలిపారు.