బహిరంగ ప్రదేశాల్లో మద్యం తాగితే చర్యలు

గోదావరిఖని, న్యూస్‌టుడే : బహిరంగ ప్రదేశాల్లో మద్యం తాగితే చర్యలు తీసుకుంటామని రామగుండం పోలీసు కమిషనర్‌ ఎస్‌.చంద్రశేఖర్‌రెడ్డి వెల్లడించారు. ఈ మేరకు సోమవారం ప్రకటన విడుదల చేశారు. బహిరంగ ప్రదేశాల్లో మద్యం తాగడాన్ని నిషేధించినట్లు వెల్లడించారు. కమిషనరేట్‌ పరిధిలో ఈ నిషేధాజ్ఞలు కొనసాగుతాయని, అక్టోబరు 1 నుంచి నవంబరు 1 వరకు హైదరాబాద్‌ నగర పోలీసు చట్టం ఐపీసీ 188 ప్రకారం బహిరంగ ప్రదేశాల్లో మద్యం తాగే వారిపై చర్యలు తీసుకుంటామని ప్రకటించారు. డ్రోన్‌ కెమెరాలు, డీజేలను కూడా నెల రోజుల పాటు నిషేధించినట్లు తెలిపారు. తప్పనిసరి అయితే అనుమతి తీసుకుని మైక్‌సెట్‌ను ఏర్పాటు చేసుకోవాలని, డ్రోన్‌ కెమెరాలను వినియోగించకూడదని పేర్కొన్నారు.