రూ.28 కోట్లు తాగేశారు

కరీంనగర్‌ నేరవార్తలు, న్యూస్‌టుడే: తెలంగాణలో బతుకమ్మ, దసరా పండుగ వచ్చిందంటే చాలు సంబరాలు అంబరాన్నంటుతాయి. రెండు సంవత్సరాలుగా కరోనా కారణంగా బతుకమ్మ, దసరా ఉత్సవాలు ఘనంగా జరుపుకోలేదు. ఈ సారి మాత్రం ఏ గ్రామంలో చూసినా సంబరాలు ఘనంగా సాగాయి. ఈ ఏడాది అక్టోబర్‌ మొదటి వారంలోనే దసరా రాగా అనుకున్నదాని కంటే ఎక్కువగా మద్యం అమ్మకాలు జరిగినట్లు వ్యాపారులు చెబుతున్నారు. అక్టోబర్‌ 1 నుంచి 5వ తేదీ వరకు కరీంనగర్‌ అర్బన్‌, కరీంనగర్‌ రూరల్‌, తిమ్మాపూర్‌, హుజూరాబాద్‌, జమ్మికుంట సర్కిల్‌ పరిధిలో ఉన్న 94 మద్యం దుకాణాల ద్వారా రూ.28 కోట్ల అమ్మకం జరిగినట్లు ఎక్సైజ్‌ అధికారులు తెలిపారు. సాధారణంగా నెలకు రూ.70 నుంచి రూ.80 కోట్ల మద్యం వ్యాపారం జరుగుతుండగా 5వ తేదీ వరకే రూ.28కోట్ల విక్రయాలు సాగాయి.