రాజన్న క్షేత్రానికి భక్తుల తాకిడి

స్వామివారి దర్శనానికి క్యూలైన్లో వేచి ఉన్న భక్తులు

వేములవాడ, న్యూస్‌టుడే: దక్షిణ కాశీగా పేరొందిన ప్రసిద్ధ పుణ్యక్షేత్రమైన వేములవాడలోని శ్రీరాజరాజేశ్వరస్వామి క్షేత్రానికి ఆదివారం సెలవు రోజు కావడంతో భక్తుల తాకిడి నెలకొంది. రాష్ట్రంలోని వివిధ ప్రాంతాలతో పాటు ఇతర రాష్ట్రాల నుంచి స్వామివారిని దర్శించుకునేందుకు భక్తులు తరలి వచ్చారు. ఆలయ పరిసరాలు, ఆలయ ప్రాంగణం, క్యూలైన్లు, ప్రసాదాల విక్రయ కేంద్రాలు భక్తులతో కిటకిటలాడాయి. కొందరు స్వామివారికి ప్రీతిపాత్రమైన కోడె మొక్కులు చెల్లించుకున్నారు. వివిధ పూజా కార్యక్రమాల్లో పాల్గొని తరించారు. దాదాపు 20 వేల మంది స్వామివారిని దర్శించుకున్నట్లు ఆలయ అధికారులు తెలిపారు. భక్తులకు ఇబ్బందులు కలగకుండా ఆలయ అధికారులు పర్యవేక్షణ చేశారు. బద్దిపోచమ్మ, భీమేశ్వరాలయాలను భక్తులు దర్శించుకొని మొక్కులు చెల్లించుకున్నారు.