అక్కను హత్య చేసిన తమ్ముడి అరెస్ట్‌

సిరిసిల్ల (విద్యానగర్‌), న్యూస్‌టుడే: అక్కను హత్య చేసిన తమ్ముడిని అరెస్ట్‌ చేసినట్లు సిరిసిల్ల రూరల్‌ సీఐ ఉపేందర్‌ తెలిపారు. ఆదివారం తన కార్యాలయంలో ఆయన విలేకరులతో మాట్లాడుతూ తంగళ్లపల్లి మండలంలోని పద్మానగర్‌ గ్రామానికి చెందిన గజ్వెల్లి శివరామకృష్ణ తాగుడుకు బానిసై ప్రతిసారి తల్లిదండ్రులతో గొడవ పడుతూ ఉండేవాడని, వద్దు అని మందలించిన సొంత అక్క గాలి కవితను శుక్రవారం సాయంత్రం కత్తితో విచక్షణారహితంగా పొడిచి చంపినట్లు చెప్పారు. తండ్రి గజ్వెల్లి యాదగిరి ఫిర్యాదు మేరకు కేసు నమోదు చేసి దర్యాప్తు చేపట్టినట్లు పేర్కొన్నారు. ఆదివారం నిందితుడు గజ్వెల్లి శివరామకృష్ణను రిమాండ్‌కు తరలించినట్లు తెలిపారు. అతని నుంచి కత్తి, ద్విచక్ర వాహనం స్వాధీనం చేసుకున్నట్లు వెల్లడించారు.