వైద్య కళాశాలలో ఉద్రిక్తత

పోలీసులతో  మాట్లాడుతున్న వైస్‌ ప్రిన్సిపల్‌ డేవిడ్‌ ఆనంద్‌ కుమార్‌

జగిత్యాల, న్యూస్‌టుడే: వైద్యకళాశాలలో ఓ గది విషయమై బుధవారం అర్ధరాత్రి ఇద్దరు వైద్యులు వైస్‌ ప్రిన్సిపల్‌కు వాగ్వాదం చోటుచేసుకుంది. విద్యార్థులు చేరుకోవడంతో సదరు వైద్యులు అక్కడినుంచి వెళ్లిపోయారు. విషయం తెలిసిన పోలీసులు కళాశాలకు చేరుకున్నారు. గది కేటాయింపు విషయమై ఓ వైద్యుడు నాలుగు నెలలుగా వేధిస్తున్నారని, ప్రస్తుతం ఆయనతో పాటు మరో వైద్యుడు వచ్చి అకారణంగా కులం పేరుతో అసభ్య పదజాలంతో దూషించారని వైస్‌ ప్రిన్సిపల్‌ డేవిడ్‌ ఆనంద్‌ కుమార్‌ పోలీసులకు వివరించారు. వైద్యులపై చర్యలు తీసుకోవాలని విద్యార్థులు డిమాండ్‌ చేశారు. రాతపూర్వకంగా ఫిర్యాదు చేయాలని అర్ధరాత్రి ఆందోళన వద్దని పెట్రోలింగ్‌ విధుల్లో ఉన్న ఎస్సై చిరంజీవి సర్దిచెప్పారు.