logo

జోగాపూర్‌లో రౌడీషీటర్‌ దారుణ హత్య

చందుర్తి మండలం జోగాపూర్‌లో శనివారం రాత్రి ఓ రౌడీషీటర్‌ దారుణ హత్యకు గురయ్యాడు. స్థానికుల కథనం ప్రకారం.. గ్రామానికి చెందిన గొల్లపెల్లి శంకర్‌(52)ను గుర్తు తెలియని వ్యక్తులు ఆర్టీసీ ప్రయాణ ప్రాంగణం సమీపంలో కల్లు గీతకు వాడే కమ్మకత్తితో నరికి చంపివేశారు.

Published : 22 Jan 2023 05:48 IST

శంకర్‌

రుద్రంగి, న్యూస్‌టుడే: చందుర్తి మండలం జోగాపూర్‌లో శనివారం రాత్రి ఓ రౌడీషీటర్‌ దారుణ హత్యకు గురయ్యాడు. స్థానికుల కథనం ప్రకారం.. గ్రామానికి చెందిన గొల్లపెల్లి శంకర్‌(52)ను గుర్తు తెలియని వ్యక్తులు ఆర్టీసీ ప్రయాణ ప్రాంగణం సమీపంలో కల్లు గీతకు వాడే కమ్మకత్తితో నరికి చంపివేశారు. అయితే గత ఏడాది డిసెంబర్‌ 27న జోగాపూర్‌లో ఓ మహిళ హత్య గురైంది. హత్యకు గురైన మహిళకు శంకర్‌కు మధ్య భూ వివాదం నేపథ్యంలోనే తాజా హత్య జరిగి ఉంటుందని స్థానికులు చర్చించుకుంటున్నారు. శనివారం జోగాపూర్‌లో వారసంత జరుగుతుండగా హత్య జరిగినట్లు తెలుస్తోంది. హత్య స్థలాన్ని వేములవాడ డీఎస్పీ నాగేంద్రచారి, చందుర్తి సీఐ కిరణ్‌కుమార్‌ సందర్శించారు. హత్యపై దర్యాప్తు చేస్తున్నట్లు సీఐ తెలిపారు. శంకర్‌కు ఇద్దరు భార్యలు నలుగురు కుమార్తెలు, ఒక కుమారుడు ఉన్నారు. మృతుడు 1996లో జరిగిన ఓ హత్య కేసులో ప్రధాన నిందితుడు. 2018లో జోగాపూర్‌లో ప్రజాప్రతినిధిపై హత్యాయత్నం కేసులో నిందితుడు కాగా ఇతనిపై చందుర్తి పీఎస్‌లో రౌడీషీట్‌ ఉంది.

Read latest Karimnagar News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

చదువు