దూర విద్య ఒక వరం

శాతవాహన విశ్వవిద్యాలయం: చదువుపై ఆసక్తి గల విద్యార్థులకు దూర విద్య ఒక వరం వంటిదని డాక్టర్‌ బి.ఆర్‌ అంబేడ్కర్‌ సార్వత్రిక విశ్వవిద్యాలయం డిప్యూటీ డైరెక్టర్‌ వై.వెంకటేశ్వర్లు, చంద్రకళ అన్నారు. గురువారం కరీంనగర్‌లోని ఎస్సారార్‌లోని అధ్యయన కేంద్రాన్ని సందర్శించారు. ఎంతో మంది ఇక్కడ చదివి ఉన్నత స్థాయిలో ఉన్నారని చెప్పారు. వారిని స్ఫూర్తిగా తీసుకోవాలని సూచించారు. సార్వత్రిక విశ్వవిద్యాలయం న్యాక్‌ గుర్తింపునకు వెళ్తుందని అందులో విద్యార్థులు భాగస్వాములు కావాలని పిలుపునిచ్చారు. ప్రతి రోజు మెయిల్‌ సరి చూసుకుని వాటికి స్పందించాలన్నారు. డిగ్రీ, పీజీ ద్వితీయ, తృతీయ సంవత్సరంలో ప్రవేశాలు తీసుకునేందుకు అవకాశం ఇంకా మిగిలి ఉందన్నారు. ఈ నెల 5 వరకు రూ.500 అపరాధ రుసుంతో ప్రవేశం తీసుకోవచ్చని చెప్పారు. ఇందులో ప్రాంతీయ సమన్వయ అధికారి ఆడెపు శ్రీనివాస్‌, బోధన, బోధనేతర సిబ్బంది పాల్గొన్నారు.