స్వచ్ఛభారత్‌లో తెలంగాణ నంబర్‌ వన్‌

అవార్డులు పొందిన సర్పంచులతో ఎమ్మెల్యే సంజయ్‌, జడ్పీ ఛైర్‌పర్సన్‌ వసంత

జగిత్యాల గ్రామీణం, న్యూస్‌టుడే: స్వచ్ఛభారత్‌లో తెలంగాణ నంబర్‌ వన్‌ స్థానంలో నిలిచిందని అందులో జగిత్యాల నియోజవర్గంలో గ్రామాలు ఆదర్శంగా నిలుస్తున్నాయని జగిత్యాల ఎమ్మెల్యే డాక్టర్‌ సంజయ్‌కుమార్‌, జడ్పీ ఛైర్‌పర్సన్‌ దావ అన్నారు. జాతీయ పంచాయతీ అవార్డులు గెలుచుకున్న గ్రామ పంచాయతీలకు నియోజకవర్గ స్థాయిలో అవార్డులను స్థానిక శుభమస్తు గార్డెన్‌లో గురువారం అందజేశారు. ఈ సందర్భంగా అవార్డులు గెలుపొందిన గ్రామ పంచాయతీ సర్పంచులను, పంచాయతీ కార్యదర్శులను ఆయన అభినందించారు. పట్టణాలకు వలస వెళ్లిన వారు పల్లెలకు తిరిగి వస్తున్నారని వారు పేర్కొన్నారు. ఎంపీపీలు, జడ్పీటీసీ సభ్యులు, ఎంపీడీవోలు, సర్పంచులు పాల్గొన్నారు.