హంస వాహనంపై స్వామివార్ల ఊరేగింపు

ఆలయంలో ఊరేగిస్తున్న అధికారులు, అర్చకులు, భక్తులు

వేములవాడ, న్యూస్‌టుడే: ప్రసిద్ధ పుణ్యక్షేత్రమైన వేములవాడలోని శ్రీరాజరాజేశ్వరస్వామి ఆలయంలో నిర్వహిస్తున్న శ్రీరామ నవరాత్రోత్సవాల్లో భాగంగా గురువారం రాత్రి స్వామివార్లను హంస వాహనంపై ఊరేగించారు. శ్రీ పార్వతీ, రాజరాజేశ్వరస్వామివార్లు, లక్ష్మీ సమేత అనంతపద్మనాభస్వామివార్ల ఉత్సవమూర్తులను అందంగా అలంకరించిన  అనంతరం స్థానాచార్యుడు అప్పాల భీమాశంకర్‌ శర్మ ఆధ్వర్యంలో అర్చకులు ప్రత్యేక పూజలు నిర్వహించారు. అనంతరం స్వామివార్లను హంస వాహనంపై ప్రతిష్ఠించి ఆలయంలో ఊరేగించారు. ఉదయం వేదపండితులు, అర్చకులు ప్రత్యేక పూజా కార్యక్రమాలను జరిపారు. కార్యక్రమంలో ఆలయ అధికారులు, వేద పండితులు, అర్చకులు, భక్తులు పాల్గొన్నారు.