NTPC: ఎన్టీపీసీ తెలంగాణ ప్రాజెక్ట్‌లో ఉత్పత్తి ప్రారంభం

జ్యోతినగర్‌: ఎన్టీపీసీ రామగుండంలో నిర్మిస్తోన్న తెలంగాణ ప్రాజెక్ట్‌లో శుక్రవారం తెల్లవారుజామున విద్యుత్‌ ఉత్పత్తి ప్రారంభమైంది. కొత్తగా నిర్మిస్తున్న 800 మెగావాట్ల విద్యుత్‌ ప్రాజెక్టు  ఒకటో యూనిట్‌లో సింక్రనైజేషన్‌ పూర్తిచేశారు. 2017లో నిర్మాణ పనులు మొదలు పెట్టగా..  మూడు రోజుల క్రితం నిర్మాణ పనులు పూర్తయ్యాయి. బాయిలర్‌ లైటప్‌ చేసిన అనంతరం విద్యుత్‌ ఉత్పత్తి దశలోకి తీసుకొచ్చారు. ఈ రోజు  ఉదయం వరకు 100 మెగావాట్ల విద్యుత్‌ ఉత్పత్తి చేశారు. ఈ మేరకు ఎన్టీపీసీ  ఈడీ సునీల్‌ కుమార్‌ .. అధికారులు, ఉద్యోగులకు స్వీట్లు పంచారు.