అసాంఘిక కార్యకలాపాలపై ఉక్కుపాదం

కరీంనగర్‌ నేరవార్తలు, న్యూస్‌టుడే: పోలీసు ఠాణాలకు చెందిన ఎస్‌హెచ్‌వోలు పెండింగ్‌ కేసులు తగ్గించాలని కరీంనగర్‌ పోలీస్‌ కమిషనర్‌ ఎల్‌.సుబ్బారాయుడు ఆదేశించారు. శనివారం కమిషనరేట్లో ఎస్‌హెచ్‌వోలు, కోర్టు డ్యూటీ అధికారులతో సమావేశం నిర్వహించారు. నేరాలను ఛేదించడాన్ని సవాల్‌గా తీసుకోవడంతోపాటు నియంత్రణకు పకడ్బందీ చర్యలు తీసుకోవాలన్నారు. అసాంఘిక కార్యకలాపాలపై ఉక్కుపాదం మోపాలని ఆదేశించారు. సమావేశంలో అదనపు డీసీపీ చంద్రమోహన్‌, ఏసీపీ కాశయ్య ఉన్నారు.

కానిస్టేబుల్‌ కుటుంబానికి ఆర్థిక సాయం

​​​​​​​

చెక్కు అందిస్తున్న సీపీ

కరీంనగర్‌ నేరవార్తలు : రోడ్డు ప్రమాదంలో మృతి చెందిన కానిస్టేబుల్‌ కుటుంబానికి శనివారం  కరీంనగర్‌ పోలీస్‌ కమిషనర్‌ ఎల్‌.సుబ్బారాయుడు బీమా డబ్బులు అందజేశారు. ధర్మపురి పోలీస్‌ ఠాణాలో పని చేసిన కానిస్టేబుల్‌ వెంకటరమణచారి నాలుగు నెలల కిందట మృతి చెందారు. పోలీస్‌ కో-ఆపరేటివ్‌ సొసైటీ ఇన్సూరెన్స్‌ ద్వారా మంజూరైన రూ.4 లక్షలు అందజేశారు. పోలీసు అసోసియేషన్‌ అధ్యక్షుడు ఎం.సురేందర్‌ ఉన్నారు.