ప్రజావాణికి కత్తితో వచ్చిన మహిళ

మహిళను అడ్డుకున్న పోలీసులు

జగిత్యాల, న్యూస్‌టుడే: జగిత్యాల కలెక్టరేట్‌లో సోమవారం జరిగిన ప్రజావాణికి ఓ మహిళ కత్తితో వచ్చింది. గొల్లపల్లి మండలం రాపల్లికి చెందిన అరుణ జగిత్యాల ఠాకా వీధిలో నివాసముంటుంది. ఉదయం ప్రజావాణికి రాగా మహిళా పోలీసులు ఆమె బ్యాగును పరిశీలించగా కత్తి కనిపించింది. దీంతో మహిళను ఆరుబయట నిలిపివేసి అధికారులకు సమాచారం ఇచ్చారు. పోలీసులు మహిళను వెంటబెట్టుకుని అదనపు కలెక్టర్‌ వద్దకు తీసుకురాగా తాను సమస్యపై పోలీసులకు ఫిర్యాదు చేసినా పట్టించుకోవడం లేదని వాపోయింది. చర్యలు తీసుకుంటామని నచ్చజెప్పి పంపించారు. అయితే ఆమె మానసిక స్థితి సరిగ్గా లేనట్లు గుర్తించిన మహిళా పోలీసులు కౌన్సెలింగ్‌ ఇచ్చి పంపించారు.