రెండు కార్లను ఢీకొన్న లారీ- నలుగురు దుర్మరణం

నుజ్జయిన కార్లు

హావేరి, న్యూస్‌టుడే: సంక్రాంతి పండుగ రోజున ఆలయాన్ని సందర్శించి వెనుతిరుగుతుండగా లారీ రూపంలో నలుగురిని మృత్యువు కబళించింది. ఈ దుర్ఘటన శనివారం జిల్లాలోని రట్టిహళ్లి తాలూకా కడూరు సమీపంలో జరిగింది. మృతులను శివమొగ్గ జిల్లా శికారిపుర తాలూకా మత్తికోటి గ్రామానికి చెందిన శంకరగౌడ (35), శాంతమ్మ (32), పునీత్‌ (12), రఘు (14)గా గుర్తించారు. ఈ దుర్ఘటనలో మరో ఆరుగురికి గాయాలయ్యాయి. వీరిని శివమొగ్గ ఆసుపత్రికి తరలించారు. రెండు కార్లలో వీరంతా దావణగెరె జిల్లా ఉక్కడగాత్రి ఆలయాన్ని సందర్శించి వెనుతిరిగే సమయంలో ఎదురుగా వచ్చిన లారీ ఢీకొంది. రట్టిహళ్లి పోలీసులు కేసు నమోదు చేసుకున్నారు.