మోదీ కోసం మృత్యుంజయ హోమం

 ధర్మస్థల మహామండపంలో మహామృత్యుంజయ హోమం చేస్తున్న పండితులు

బెంగళూరు సాంస్కృతికం : ప్రధానమంత్రి నరేంద్రమోదీ ఆరోగ్యం కోసం ధర్మస్థలలో మహా మృత్యుంజయ హోమాన్ని నిర్వహించారు. స్థానిక శాసనసభ్యుడు హరీష్‌ పూంజా నేతృత్వంలో ఆదివారం ఆరంభమైన హోమం సోమవారం ఉదయం ముగిసింది. ధర్మస్థలతో పాటు దాదాపు 20 ప్రాంతాల్లోని ఆలయాల్లో ఈ హోమాలు కొనసాగాయని హరీష్‌ పూంజా తెలిపారు. ఇటీవల ప్రధాని నరేంద్రమోదీ పర్యటనలో అడ్డంకులు ఏర్పడిన నేపథ్యంలో ఆయనకు ఆయుష్షు, ఆరోగ్యం సమృద్ధిగా ఉండాలని ప్రార్థిస్తూ హోమాన్ని నిర్వహించామన్నారు.