కార్మిక సంక్షేమానికి కంకణం

చిరు పుస్తకాన్ని విడుదల చేస్తున్న ముఖ్యమంత్రి బసవరాజ బొమ్మై,
మంత్రి శివరాం హెబ్బార్‌ తదితరులు

బెంగళూరు (యశ్వంతపుర), న్యూస్‌టుడే : భవన నిర్మాణ కార్మిక కుటుంబాలకు చెందిన విద్యార్థులకు ఉపకార వేతనాలను అంతర్జాల ఆధారంగా ముఖ్యమంత్రి బసవరాజ బొమ్మై విడుదల చేశారు. ఆయన గురువారం ఇక్కడ కర్ణాటక రాష్ట్ర కట్టడ నిర్మాణ కార్మిక సంక్షేమ మండలి సమావేశంలో పాల్గొని ఉపకార వేతనాలను విడుదల చేయడంతో పాటు.. సంబంధిత మార్గదర్శకాల చిరు పుస్తకాన్ని ఆవిష్కరించి ప్రసంగించారు. కార్మికుల సంక్షేమానికి కట్టుబడి ఉన్నామని, వారి కుటుంబ సభ్యులు ఉన్నత చదువులకు అండగా నిలుస్తామని ప్రకటించారు. కార్మిక శాఖ మంత్రి శివరాం హెబ్బార్, ముఖ్యమంత్రి ప్రధాన కార్యదర్శి మంజునాథ్‌ ప్రసాద్‌ తదితరులు పాల్గొన్నారు.