క్యాబ్‌ చోదకుల నిరసనబాట

బెంగళూరు నినాదాలు చేస్తున్న క్యాబ్‌ డ్రైవర్లు

\బెంగళూరు (సదాశివనగర), న్యూస్‌టుడే : ర్యాపిడ్‌ బైకు ట్యాక్సీలకు అనుమతి ఇవ్వడంతో తమ క్యాబ్‌లు ఎక్కే ప్రయాణికుల సంఖ్య గణనీయంగా తగ్గిపోయిందని క్యాబ్‌ డ్రైవర్లు ఆందోళన వ్యక్తం చేశారు. బైకు ట్యాక్సీలపై నిషేధాన్ని విధించాలని కోరుతూ డ్రైవర్ల సంఘం సభ్యులు గురువారం నగర వీధుల్లో నిరసన ప్రదర్శన, ధర్నా నిర్వహించారు. నవంబరు నుంచి నగరంలో క్యాబ్‌ ఎక్కేవారి సంఖ్య సగానికి సగం తగ్గిపోయిందని ఆందోళనకారులు తెలిపారు. బైకు ట్యాక్సీల్లో వెళ్లే వారికి భద్రత, రక్షణ ఉండదని అభ్యంతరం తెలిపారు.