గణతంత్ర వేడుకకు ఘన సాధన

మేము సైతం అంటూ శ్వానదళ సిబ్బంది

బెంగళూరు (శివాజీనగర), న్యూస్‌టుడే: గణతంత్ర దినోత్సవాన్ని పురస్కరించుకుని కబ్బన్‌ రోడ్డు మానిక్‌ షా పరేడ్‌ మైదానంలో రక్షణ శాఖ సిబ్బంది, పోలీసులు శనివారం సాధన (అభ్యాస) ప్రక్రియను చేపట్టారు. కేఎస్‌ఆర్పీ, శ్వానదశ, అశ్విక దళ సిబ్బంది, సివిల్‌ పోలీసులు, సైనికులు, సైన్యంలోని వివిధ దళాల ప్రతినిధులు కవాతులో పాల్గొన్నారు. రక్షణ శాఖ, పోలీసు సిబ్బంది తమ అధునాతన వాహనాలను ప్రదర్శించారు. కొవిడ్‌ మూడో అలను దృష్టిలో ఉంచుకుని ఈ ఏడాది కూడా సాంస్కృతిక కార్యక్రమాలను అధికారులు రద్దు చేశారు. గణతంత్ర దినోత్సవానికి గవర్నర్‌ థావర్‌ చంద్‌ గహ్లోత్‌ మైదానంలో మువ్వన్నెల పతాకాన్ని ఎగురవేసి సందేశమిస్తారు. ముఖ్యమంత్రి, మంత్రులు సహా పరిమిత సంఖ్యలో అధికారులు ఈ వేడుకల్లో పాల్గొంటారు. సిబ్బంది అందరికీ స్వాబ్‌ పరీక్ష నిర్వహించి, నెగెటివ్‌ నివేదిక వచ్చిన వారినే ఈ కార్యక్రమాల్లో పాల్గొనేందుకు అవకాశం ఇస్తున్నామని రక్షణ శాఖ అధికారులు తెలిపారు. మైదానాన్ని పాలికె సిబ్బంది శుభ్రం చేసి, రక్షణ శాఖకు అప్పగించారు. ఆసనాలను శానిటైజ్‌ చేసే ప్రక్రియను ఆరోగ్య శాఖ సిబ్బంది చేపట్టారు.

లఫె్ట్‌..రైట్‌.. లఫె్ట్‌..రైట్‌

సాయుధదళం పదసంచలనం

ఆసనాలను శుభ్రపరుస్తున్న కార్మికుడు