కౌల్‌బజార్‌ మార్కెట్‌ను పరిశీలించిన కమిషనర్‌

కౌల్‌బజార్‌ మార్కెట్‌లో పర్యటిస్తున్న కమిషనర్‌

ప్రీతి గెహ్లాట్‌, స్థాయి సమితి అధ్యక్షురాలు డి.సుకుం, తదితరులు

బళ్లారి, న్యూస్‌టుడే: బళ్లారి నగర పాలికె కమిషనర్‌ ప్రీతిగెహ్లాట్‌, స్థాయి సమితి అధ్యక్షురాలు, 26వ వార్డు కార్పొరేటర్‌ డి.సుకుం పాలికె అధికారులు, సిబ్బంది ఆదివారం కౌల్‌బజార్‌ మార్కెట్‌లో జరుగుతున్న రహదారి పనులు, దుస్థితికి చేరుకున్న రహదారులు, భూగర్భ మురుగుకాలువలు, తదితర సమస్యలను నేరుగా పరిశీలించారు. ఒకే ప్రాంతంలో మటన్‌, చికెన్‌, కూరగాయల మార్కెట్లు ఉండటంతో చుట్టుపక్కల ప్రాంతాలు అపరిశుభ్రంగా మారిపోయాయి. వాటిని చూసిన కమిషనర్‌ మార్కెట్‌ను పరిశుభ్రంగా ఉంచాలని సిబ్బందికి సూచించారు. స్థానిక ప్రజలు, వ్యాపారులు పాలికెతో సహకరించాలని కోరారు. మార్కెట్‌లో బురద మధ్యలోనే కమిషనర్‌ నడుచుకుంటూ స్థానిక వ్యాపారులు, ప్రజల నుంచి సమస్యలు అడిగి తెలుసుకున్నారు.