పదవులన్నీ వారి సొంతమా?

హొన్నాళిలో ఎం.పి.రేణుకాచార్య

దావణగెరె, న్యూస్‌టుడే : పార్టీ ఎప్పుడు అధికారంలోకి వచ్చినా ఆ నాయకులు మాత్రమే మంత్రులుగా ఉండాలా అని ముఖ్యమంత్రి రాజకీయ కార్యదర్శి, హొన్నళ్లి శాసనసభ్యుడు ఎం.పి.రేణుకాచార్య భాజపా నాయకత్వాన్ని సూటిగా ప్రశ్నించారు. ఆయన సోమవారం జిల్లాలోని హొన్నాళిలో తనను కలుసుకున్న విలేకరులతో మాట్లాడారు. మంత్రివర్గ విస్తరణలో కొత్తవారికి అవకాశమివ్వాలని సూచించానని వివరించారు. కొందరు మాత్రమే ఎప్పుడూ మంత్రులుగా చలామణి అయ్యేలా చూసుకుంటున్నారని ధ్వజమెత్తారు. తాను మూడుసార్లు శాసనసభ్యుడిగా ఎన్నికైన విషయాన్ని గుర్తించాలన్నారు. ఈ నేపథ్యంలోనే మంత్రిపదవి కావాలని అడుగుతున్నానని చెప్పారు. దావణగెరె జిల్లాకు మంత్రివర్గంలో అన్యాయమే జరిగిందన్నారు. ఈ జిల్లాకు చెందిన నాయకుల్లో ఏ ఒక్కరికీ మంత్రివర్గంలో అవకాశం కల్పించలేదని విమర్శించారు.