క్షేత్ర అభివృద్ధికి కృషి: ఎమ్మెల్యే గణేశ్‌

శాంతినగర్‌లో తాగునీటి కేంద్రం పనులను ప్రారంభిస్తున్న శాసనసభ్యుడు

కంప్లి: కంప్లి విధానసభ క్షేత్ర అభివృద్ధికి చిత్తశుద్ధితో కృషి చేస్తున్నానని స్థానిక శాసనసభ్యుడు గణేశ్‌ స్పష్టం చేశారు. తాలూకాలోని శాంతినగర్‌లో శుద్ధ తాగునీటి కేంద్రం పనులను మంగళవారం ఆయన ప్రారంభించి మాట్లాడారు. కంప్లిలోని చారిత్రక సోమప్ప చెరువు చుట్టూ రక్షణ కంచె వ్యవస్థ కల్పించి ఆకర్షణ కోసం పక్కనే ఉద్యానవనం ఏర్పాటు చేస్తామన్నారు. ప్రజలు చెరువు చుట్టూ స్వచ్ఛత కాపాడాలని కోరారు. నెల్లుడి గ్రామ పంచాయతీ అధ్యక్షుడు లింగుట్ల శ్రీనివాసులు, కె.సుధాకర్‌, రాజేంద్రప్రసాద్‌, ఎల్‌.రామానాయుడు, కేశవరెడ్డి, వీరాంజనేయులు, జీపీ సభ్యులు పాల్గొన్నారు.