అనువాద సరస్వతి.. గురులింగ

బెంగళూరు సాంస్కృతికం, న్యూస్‌టుడే : కేంద్ర సాహిత్య అకాడమీ ప్రతి సంవత్సరం ఆయా భాషా పుస్తక అనువాదకులకు పురస్కారంతో గౌరవిస్తున్న సంగతి తెలిసిందే. 2021 సంవత్సరపు కన్నడ భాషా అనువాదకుడు, సీనియర్‌ రచయిత గురులింగ కాపాసెకు అనువాద పురస్కారం ప్రకటించారు. కేంద్ర సాహిత్య అకాడమీ అధ్యక్షుడైన డాక్టర్‌ చంద్రశేఖర కంబార అధ్యక్షతన జరిగిన సభలో శుక్రవారం ఈవార్డుల ఎంపిక జరిగింది. శుక్రవారం అవార్డు గ్రహీతల పేర్లను, ఆయా భాషా పుస్తకాల పేర్లను ప్రకటించారు. మరాఠీ భాషలో విఖ్యాత రచయిత వి.స.ఖాండేకర్‌ రచించిన ‘ఏకా పనాచే గోష్ట్‌’ అనే మరాఠీ రచనను (ఖాండేకర్‌ ఆత్మకథ,) గురులింగ ‘ఒందు పుటద కథే’ పేరుతో కన్నడలోకి అనువదించారు. ఈ అనువాద పురస్కారం ఈ సంవత్సరం ఆగస్టులో దిల్లీలో ప్రదానం చేయనున్నట్లు అకాడమీ ప్రకటించింది.