గుత్తేదారుకు రూ.3 లక్షల జరిమానా

బెంగళూరు (యశ్వంతపుర), న్యూస్‌టుడే : ప్రధానమంత్రి నరేంద్రమోదీ నగర పర్యటన అనంతరం ఆయన సంచరించిన మార్గంలో పడిన గుంతలకు కారణమైన- నాసిరకం పనులు చేసినట్లు ఆరోపణలు ఎదుర్కొన్న గుత్తేదారు రమేష్‌కు రూ.3 లక్షల జరిమానా విధిస్తున్నట్లు బెంగళూరు పాలికె అధికారులు ప్రకటించారు. తొమ్మిది కిలోమీటర్ల రహదారికి తారు వేసేందుకు ఆయనకు రూ.11.50 కోట్ల విలువైన పనులు అప్పగించారు. తారు వేసిన వారానికే రహదారులు దెబ్బతినడంపై నివేదిక అందజేయాలని ప్రధానమంత్రి కార్యాలయం ఆదేశించడంతో పాలికె చీఫ్‌ ఇంజినీరు ప్రహ్లాద్‌ ఆ గుత్తేదారుకు తాఖీదులు జారీ చేశారు. సంబంధిత రహదారి పనులపై అధికారుల నివేదిక ఆధారంగా జరిమానా విధించారు.