లోక్‌ అదాలత్‌లో 4,970 కేసుల పరిష్కారం

రాజీమార్గం ద్వారా కేసులను పరిష్కరిస్తున్న న్యాయమూర్తులు

బళ్లారి, న్యూస్‌టుడే : జిల్లా న్యాయసేవా ప్రాధికార సంస్థ ఆధ్వర్యంలో శనివారం స్థానిక జిల్లా న్యాయస్థానం ఆవరణంలో నిర్వహించిన బృహత్‌ మోగా లోక్‌ అదాలత్‌కు విశేష స్పందన లభించింది. కేసులను రాజీమార్గం ద్వారా పరిష్కరించారు. అదాలత్‌కు మొత్తం 10,546 కేసులు రిజిస్ట్రార్‌ చేయించుకోగా, 4,970 కేసులు రాజీమార్గం ద్వారా పరిష్కరించారు. మొత్తం రూ.44,44,96,317లు పరిహారం వసూలు చేసిననట్లు జిల్లా న్యాయసేవా ప్రాధికార సంస్థ కార్యదర్శి, న్యాయమూర్తి సతీశ్‌ జె.బాలి తెలిపారు. రాజీ మార్గం ద్వారా చెక్కులు, బ్యాంకు, మోటారు వాహనాలు ప్రమాద పరిహారం, సివిల్‌ కేసులు, ఆస్తి వివాదాలు తదితర కేసులు రాజీ మార్గం ద్వారా పరిష్కరించినట్లు తెలిపారు. న్యాయమూర్తులు, న్యాయవాదులు తదితరులు పాల్గొన్నారు.