కామాంధుడికి కఠిన శిక్ష

బెంగళూరు (మల్లేశ్వరం), న్యూస్‌టుడే : ముక్కుపచ్చలారని ఏడో తరగతి విద్యార్థినిపై లైంగిక దాడికి పాల్పడిన ఆరోపణలు రుజువు కావడంతో వెంకటస్వామి అలియాస్‌ మునివెంకటస్వామి (24) అనే యువకుడికి బెంగళూరులోని నాలుగో ఫాస్ట్‌ట్రాక్‌ కోర్టు పదేళ్ల కఠిన కారాగార శిక్షను విధించింది. రూ.25 వేలను జరిమానా చెల్లించాలని ఆదేశించింది. మహదేవపురలో తన పొరుగింట్లో ఉంటున్న బాలికపై నిందితుడు రెండేళ్ల కిందట అత్యాచారానికి పాల్పడి పరారయ్యాడు. పోలీసులు గాలింపు చేపట్టి నిందితుడ్ని అరెస్టు చేశారు. నేరం రుజువు కావడంతో నిందితునికి శిక్ష, జరిమానా విధిస్తూ న్యాయస్థానం తీర్పు ఇచ్చింది.