Suicide: జుట్టు ఊడిపోవడంతో మహిళ ఆత్మహత్య

మైసూరు, న్యూస్‌టుడే: కురులంటే ఆమెకు పంచప్రాణాలు.. ఎన్నెన్నో షాంపూలు, నూనెలతో కంటికిరెప్పలా కాపాడుకుంటూ వచ్చింది. ఇటీవల ఓ వింత జబ్బు కారణంగా తల వెంట్రుకలు రాలడం ఆరంభమైంది. ఎన్ని చికిత్సలు చేయించుకున్నా ఫలితం లేకపోవడంతో జీవితంపై విరక్తి చెంది ఆమె ఆత్మహత్య చేసుకుంది. ఈ దుర్ఘటన మైసూరు నగరంలోని రాఘవేంద్ర ఎక్స్‌టెన్షన్‌లో చోటుచేసుకున్నట్లు పోలీసు అధికారులు శనివారం తెలిపారు. మృతురాలిని కావ్యశ్రీ (21)గా గుర్తించారు. వింత జబ్బు కారణంగా తల వెంట్రుకలు పూర్తిగా రాలిపోవడంతోనే ఆమె ఇంట్లో ఎవరూ లేని సమయంలో ఉరివేసుకుని ఆత్మహత్య చేసుకున్నట్లు తెలిపారు. నజరాబాద్‌ పోలీసులు కేసు నమోదు చేసుకున్నారు.