అంతరరాష్ట్ర దొంగల అరెస్టు

నిందితుల వద్ద నుంచి స్వాధీనం చేసుకొన్న బంగారు నగలు

చెళ్లకెర(చిత్రదుర్గం),న్యూస్‌టుడే: వివిధ కేసులతో సంబంధం ఉన్న నలుగురు అంతరరాష్ట్ర దొంగలను చిక్కజాజూరు పోలీసు ఠాణా అధికారులు అదుపులోకి తీసుకున్నారు. నిందితుల వద్ద నుంచి రూ.10 లక్షల విలువైన 188 గ్రాముల బంగారు నగలను  స్వాధీనం చేసుకొన్నట్లు జిల్లా ఎస్పీ పరశురాం తెలిపారు. మంగళవారం విలేకరులకు తెలిపిన వివరాల మేరకు.. పోలీసులు అరెస్టు చేసిన నిందితులను దావణగెరె జిల్లాకు చెందిన పురుషోత్తమ నాయ్కా (19),జీవన్‌ (19), సచిన్‌ (22), పునీత్‌ నాయ్క(24)గా గుర్తించారు. నిందితులపై దావణగెరె, చిత్రదుర్గం, ధారవాడ, అనంతపురం, తదితర ప్రాంతాల్లో పలు కేసులు నమోదైనట్లు తెలిపారు.