యువతిని నమ్మించి లైంగిక దాడి

బెంగళూరు (యశ్వంతపుర), న్యూస్‌టుడే : నగరంలోని ఓ హోటల్‌లో ఓ యువతిపై లైంగికదాడికి పాల్పడిన నిందితుడి కోసం కబ్బన్‌పార్కు పోలీసులు గాలింపు తీవ్రం చేశారు. ఈనెల 6న తమిళనాడుకు చెందిన నిందితుడు రమేష్‌ నగరంలోనే ఉంటున్న తన బంధువుల అమ్మాయిని కబ్బన్‌పార్కుకు రావాలంటూ కబురు పెట్టారు. అతడి మాటలు నమ్మిన యువతి అక్కడికి చేరుకుంది. కొద్దిసేపు మాట్లాడాక తానుంటున్న హోటల్‌కు తీసుకువెళ్లి, లైంగిక దాడికి పాల్పడి పరారైనట్లు పోలీసులు తెలిపారు. అనారోగ్యం పాలైన యువతి ఆసుపత్రిలో చికిత్స పొందుతున్న సమయంలో పరిస్థితిని వైద్యులు గుర్తించారు. వారి సూచనలతో గురువారం రాత్రి యువతి తల్లిదండ్రులు కబ్బన్‌పార్కు పోలీసుఠాణాలో ఫిర్యాదు చేశారు.