నటుడు వినయ్‌ రాజ్‌కుమార్‌ సందడి

హొసపేటెలో పునీత్‌రాజ్‌ కుమార్‌ ప్రతిమకు మాలార్పణ

చేస్తున్న నటుడు వినయ్‌ రాజ్‌కుమార్‌

హొసపేటె, న్యూస్‌టుడే : వరనట డాక్టర్‌ రాజ్‌కుమార్‌ మనవడు, రాఘవేంద్ర రాజ్‌కుమార్‌ పుత్రడు వినయ్‌ రాజ్‌కుమార్‌ శనివారం హొసపేటె వచ్చారు. ఇప్పటి వరకు మూడు చిత్రాల్లో నటించిన ఆయన వచ్చారని తెలియగానే పెద్ద ఎత్తున అభిమానులు ఆయన చుట్టూ చేరారు. తొలుత పట్టణ నడిబొడ్డులో ఉన్న చిన్నాన్న పునీత్‌రాజ్‌ కుమార్‌ ప్రతిమకు మాలార్పణ చేశారు. అనంతరం కొంతసేపు అభిమానులతో సందడి చేశారు. ‘చిన్నాన్న పునీత్‌రాజ్‌ కుమార్‌ ఉత్తర కర్ణాటక ప్రాంతానికి వచ్చినప్పుడల్లా హొసపేటెలోని అభిమానులను కలిసి వెళ్లేవారు. ఈ నేపథ్యంలో హంపీ పర్యటనకు వచ్చిన తను రాజ్‌కుటుంబం అభిమానులను కలవటానికి వచ్చానని అన్నారు. రాజ్‌కుటుంబంపై హొసపేటె ప్రజలకు ఉన్న అభిమానానికి కృతజ్ఞతలు తెలిపారు. రాజ్‌ కుటుంబం మంచి కథలు, నీతి ఉన్న సినిమాలకే ఎక్కువ ప్రాధాన్యం ఇస్తూ వస్తోంది. అలాంటి కథలు దొరికితే తప్పకుండా నటిస్తానని అన్నారు. అనంతరం ఆయన హంపీ, ఆనెగుంది వీక్షణకు తరలి వెళ్లారు.