అర్ధరాత్రి కాలువ పరిశీలన

మాన్వి, న్యూస్‌టుడే: తుంగభద్ర కాడా అధ్యక్షుడు కొల్లా శేషగిరిరావు ఆదివారం అర్ధరాత్రి కాలువ నీటి సరఫరాను పరిశీలించారు. కాలువ పొడవునా జరుగుతున్న నీటిచౌర్యంపై నిఘా పెట్టామని ఆయన తెలిపారు. అధికారులకు సమాచారం 43వ మైలు కాలువ వద్దకు రావాలని సూచించారు. మూసి ఉంచాల్సిన కాలువల గేట్లు తెరిచి అక్రమంగా నీటిని మళ్లిస్తున్న వైనాన్ని ఆయన నీటి పారుదలశాఖ ఉన్నతాధికారుల దృష్టికి తీసుకెళ్లారు. అక్రమంగా వేసిన పైపులను తొలగించాలని, లేనిపక్షంలో రైతులే వాటిని తొలగిస్తారని హెచ్చరించారు. ఆయన తనిఖీతో సోమవారం 69వ మైలు వద్ద తుంగభద్ర కాలువ నీటి గేజీ 9 అడుగులకు పెరిగింది.