అందాల భామ.. మేఘనా

డాక్టర్‌ మేఘనారెడ్డి (ఎడమ నుంచి మూడో వ్యక్తి)

బెంగళూరు (యశ్వంతపుర), న్యూస్‌టుడే : వివాహిత మహిళల కోసం నిర్వహించే పోటీల్లో మిసెస్‌ కర్ణాటక- 2022గా డాక్టర్‌ మేఘనారెడ్డి కీరిటాన్ని దక్కించుకున్నారు. ఆదివారం రాత్రి నిర్వహించిన ఈ పోటీల్లో బిగ్‌బాస్‌ ఫేం శైన్‌శెట్టి, ఫెమినా మిస్‌ ఇండియా ప్రాచి మిశ్ర, గర్భిణుల ఆరోగ్య సురక్షిత నిపుణురాలు లీనా సవూర్‌, డాక్టర్‌ మంజుశపాటిల్‌, దక్షిణ భారత దుస్తుల తయారీదారుల సంఘం అధ్యక్షురాలు అనురాగ్‌ సింగ్లా తదితర 70 మంది మహిళలు మిసెస్‌ కర్ణాటక-2022 పోటీలకు హాజరయ్యారు. వారిలో డాక్టర్‌ మేఘనా రెడ్డి మిసెస్‌ కర్ణాటకగా ఎంపికయ్యారు. ద్వితీయ స్థానం బింద రమేష్‌, తృతీయ స్థానం నౌశిన్‌ షరీఫ్‌ దక్కించుకున్నారు. పిల్లల పెంపకంతో పాటు సౌందర్య పోషణపై మహిళలు ఆసక్తి చూపుతున్నట్లు ఆమె ఈ సందర్భంగా వివరించారు.