పట్టాలెక్కిన హరిత ప్రాంగణం

మోక్షగుండం విశ్వేశ్వరయ్య రైల్వేస్టేషన్‌ ప్రధాన భవనం

బెంగళూరు (యశ్వంతపుర), న్యూస్‌టుడే : ఉద్యాననగరిలో నిర్మించిన సర్‌ ఎం.విశ్వేశ్వరయ్య రైల్వే టర్మినల్‌ స్టేషన్‌ భవనం ‘హరిత ప్రయాణ ప్రాంగణం’ గుర్తింపు దక్కించుకుంది. భారకతీయ హరిత భవన మండలి (ఇండియన్‌ గ్రీన్‌ బిల్డింగ్‌ కౌన్సిల్‌-ఐజీబీసీ) హరిత రైల్వే స్టేషన్‌గా ఫ్లాటినం పురస్కారాన్ని ప్రకటించింది. ఆధునిక సౌకర్యాలతో పాటు కేంద్రీకృత శీతల వ్యవస్థతో భవనాన్ని నిర్మించగా.. నిరుడు వర్చువల్‌ విధానం ద్వారా ప్రధానమంత్రి నరేంద్రమోదీ ప్రారంభించడం ప్రస్తావనార్హం. విమానాశ్రయం తరహాలో రూ.275 కోట్ల వ్యయంతో ఈ భవంతిని రైల్వే శాఖ నిర్మించింది. ప్రాంగణం లోపల మొక్కలు పెంచారు. వాననీటి సంరక్షణ చర్యలు ఇక్కడే ఒదిగిపోయాయి. లోపలికి ప్రవేశిస్తే విమానాశ్రయంలోకి అడుగుపెట్టిన అనుభూతి కలుగుతోంది.