మహారాష్ట్రలో బస్సులపై దాడి

‘మహా’ పరిధిలో కర్ణాటక బస్సులకు మరకలు

బెళగావి, న్యూస్‌టుడే : మహారాష్ట్రతో సరిహద్దు వివాదం మరింత తీవ్రమవుతోంది. ఆకతాయిలు కేఎస్‌ఆర్టీసీ బస్సులపై దాడులు కొనసాగించారు. పుణె- అథణి మార్గంలో ప్రయాణిస్తున్న ఒక బస్సుపై దుండగులు రాళ్లు రువ్వడంతో అద్దాలు పగిలిపోయాయి. డ్రైవరు గొంతు భాగంలో గాజు ముక్క గుచ్చుకుని గాయపడ్డారు. కొన్ని డిపోల్లో నిలిపిన బస్సులు పాక్షికంగా ధ్వంసమయ్యాయని అధికారులు గుర్తించారు. మీరజ్‌ మార్గంలో ప్రయాణించే ఆర్టీసీ బస్సులను పూర్తిగా నిలిపి వేశామని రవాణా శాఖ అధికారులు తెలిపారు.