జన జాగృతికి సృజన వేదిక

జాగృతి వాహనం వద్ద ఓటరు గుర్తింపు కార్డులు ప్రదర్శిస్తున్న యువకులు

బెంగళూరు (సదాశివనగర), న్యూస్‌టుడే : జాతీయ ఓటరు దినోత్సవాన్ని పురస్కరించుకుని నగరంలోని వివిధ సంస్థల నేతృత్వంలో వినూత్నంగా జాగృతి కార్యక్రమాలు నిర్వహించారు. రాష్ట్ర ఎన్నికల సంఘం ఈ కార్యక్రమం కోసం ప్రత్యేక వాహనాన్ని అందుబాటులోకి తీసుకు వచ్చింది. టౌన్‌హాల్‌లో నిర్వహించిన కార్యక్రమంలో గవర్నర్‌ థావర్‌చంద్‌ గహ్లోత్‌ యువతకు ఓటరు గుర్తింపు కార్డులు పంపిణీ చేసిన వేళ.. వారి ప్రదర్శన వినూత్నంగా సాగింది. నిపుణులు, ప్రముఖ చిత్రకారులు టౌన్‌హాల్‌ సమీపంలో ఓటరు జాగృతి చిత్రాలను తీర్చిదిద్దారు. ఓటరుగా పేర్లు నమోదు చేసుకునేందుకు, ఆధార్‌తో గుర్తింపు కార్డును అనుసంధానం చేసుకునే ప్రక్రియ నిరంతరం కొనసాగుతోందని అధికారులు తెలిపారు.