బోనులో పడిన చిరుత

మైసూరు, న్యూస్‌టుడే : టి.నరసీపుర తాలూకా హొరళహళ్లిలో జయంత్‌ (11) ఏళ్ల బాలుడిని కడతేర్చిన చిరుత ఎట్టకేలకు బుధవారం రాత్రి బోనులో పడింది. గ్రామ శివార్లలో ఉంచిన ఒక బోనులో పడిన చిరుతను చంపేయాలని గ్రామస్థులు నినదించారు. అధికారులతో చర్చించి తదుపరి నిర్ణయాన్ని తీసుకుంటామని అటవీశాఖ అధికారులు వారికి హామీ ఇచ్చి.. అక్కడి నుంచి అటవీ విభాగానికి చిరుతను తరలించారు. అధికారులతో చర్చించి తదుపరి చర్యలు తీసుకుంటామని మైసూరు వ్యవహారాల బాధ్యుడు ఎస్‌టీ సోమశేఖర్‌ తెలిపారు. చిరుత నుంచి సేకరించిన నమూనాలను డీఎన్‌ఏ పరీక్షకు పంపిస్తామని ఆయన చెప్పారు. మైసూరులోని ప్రాణి పునర్వసతి కేంద్రం లేదా బన్నేరుఘట్ట అటవీ విభాగంలో ఈ చిరుతను ఉంచే విషయాన్నీ పరిశీలిస్తున్నామని తెలిపారు.