అపూర్వ సూర్య దర్శనం!

సూర్యడిని వీక్షిస్తున్న బదరీ నారాయణ

మైసూరు, న్యూస్‌టుడే : కంటికి ఎటువంటి రక్షణ అద్దాలు ధరించకుండా, 42 నిమిషాలు సూర్యుడిని చూసి మైసూరుకు చెందిన బదరి నారాయణ కొత్త రికార్డును సృష్టించారు. ఈ రికార్డును గిన్నిస్‌ బుక్‌ ఆఫ్‌ రికార్డ్సు నిర్వాహకులు చేరవేశారు. వారి నుంచి దస్త్రం కోసం ఎదురుచూస్తున్నారు. ఆ వివరాల్లోకి తొంగిచూస్తే.. మైసూరు కోట ఆంజనేయ స్వామి ఆలయం వద్ద ప్రాణాయామం చేస్తూ సూర్యుడిని చూస్తూ బదరీనారాయణ అందరినీ ఆశ్చర్యపరిచారు. చలువ అద్దాలు, ప్రత్యేక రక్షణ లేకుండా మండే సూర్యుడిని చూస్తే.. చూపు దెబ్బతింటుందనే విషయం నాకు తెలుసని ఆయన వివరించారు. చాన్నాళ్లుగా ప్రాణాయామం చేస్తూ, దృష్టి మొత్తాన్ని శ్వాసపై కేంద్రీకరించి, ఈ సాహసాన్ని బుధవారం మధ్యాహ్నం చేశారు. ‘మా తల్లి రథసప్తమి రోజు జన్మించారు. ఆమెకే ఈ రికార్డును అంకితం చేస్తున్నా’నని చెప్పారు.