లక్ష్యంతో ముందుకు వెళ్లాలి

కార్యక్రమాన్ని ప్రారంభిస్తున్న డా.శ్రీనివాసరావు, బెస్ట్‌ కళాశాల కార్యదర్శి మన్నెం శ్రీనివాసులు, ప్రధాన ఆచార్యులు వెంకటేశ్వరరావ్‌ తదితరులు

బళ్లారి, న్యూస్‌టుడే: ద్వితీయ పీయూసీ విద్యార్థులు పట్టుదల, ప్రణాళికతో ముందుకు వెళ్తే లక్ష్యం చేరుకుంటారని కె.ఎల్‌.యు (కోనేరు లక్ష్యయ్య విశ్వవిద్యాలయం విజయవాడ) సంస్థ నిర్దేశకులు డా.శ్రీనివాసరావు సూచించారు. బళ్లారి స్వతంత్ర పదవీ పూర్వ కళాశాల (బెస్ట్‌)లో శనివారం ఏర్పాటు చేసిన కెరియర్‌ కౌన్సిలింగ్‌, చర్చ కార్యక్రమాన్ని ఆయన ప్రారంభించి మాట్లాడారు. ద్వితీయ పీయూసీ తర్వాత కేవలం వృత్తిపర కోర్సులైన ఇంజినీరింగ్‌, వైద్య కోర్సులే కాకుండా వేర్వేరు కోర్సులు ఉన్నాయి. ఈ కోర్సుల్లో ఉత్తమ భవిష్యత్తు ఉంటుందని వివరించారు. పరీక్షల సమయంలో గురువుల మార్గదర్శనంలో ముందుకు వెళ్లాలన్నారు. కె.ఎల్‌.యు. సంస్థ కార్యదర్శి శ్రీనివాసులు, బెస్ట్‌ కళాశాల కార్యదర్శి మన్నెం శ్రీనివాసులు, ప్రధాన ఆచార్యులు వెంకటేశ్వరరావ్‌, ఉప ఆచార్యులు జి.శ్రీనివాసరెడ్డిలు మాట్లాడారు. అనంతరం విద్యార్థులు అడిగిన పలు ప్రశ్నలకు సమాధానం ఇచ్చారు.  చర్చ కార్యక్రమంలో 1,500 మంది విద్యార్థులు పాల్గొన్నారు.