నలుగురు వేటగాళ్ల అరెస్టు

అటవీశాఖాధికారులు ఆధీనంలో వేటగాళ్లు, స్వాధీనం చేసుకున్న కుందేళ్లు, వలలు

బళ్లారి, న్యూస్‌టుడే: కుందేళ్లను వేటాడుతున్న నలుగురిని అటవీశాఖాధికారులు అరెస్టు చేసి, వారి నుంచి చంపిన నాలుగు కుందేళ్లను స్వాధీనం చేసుకున్నారు. ఉగాది పండుగ సందర్భంగా బళ్లారి తాలూకా అటవీ ప్రాంతంలో వేటగాళ్లు కుందేళ్లు, ఇతర జంతువులను వేటాడుతున్నట్లు సమాచారం తెలుసుకున్న బళ్లారి జిల్లా అటవీశాఖ ఉప సంరక్షణాధికారి సందీప్‌ సూర్యవంశీ ఆదేశాలతో అటవీశాఖాధికారి ఫయాజ్‌, రాఘవేంద్రయ్య, సిబ్బంది నాగరాజ్‌, రాజశేఖర్‌, అశోక్‌, గణేష్‌ తదితరులు దాడులు చేశారు. వేటాడుతున్న నలుగురిని అరెస్టు చేసి విచారణ చేయగా, చిత్రదుర్గం జిల్లా మొలకాల్మూరు తాలూకా కోనపురం గ్రామానికి చెందిన రమేష్‌, రాజశేఖర్‌, పంపన్నగా గుర్తించారు. వారి నుంచి వేటాడిన నాలుగు కుందేళ్లు, 40కిపైగా వలలు, వేటాడటానికి ఉపయోగించిన వస్తువులను స్వాధీనం చేసుకుని న్యాయస్థానం ముందు హాజరు పరిచినట్లు తెలిపారు. మరొకరు పరారీలో ఉన్నాడని, అతని కోసం గాలిస్తున్నట్లు తెలిపారు.