రాజకీయ పార్టీ నేతలు సహకరించాలి : డీసీ

మాట్లాడుతున్న డీసీ పవన్‌కుమార్‌ మాలపాటి, జడ్పీ సీఈవో రాహుల్‌ శరణప్ప సంకనూర తదితరులు

బళ్లారి, న్యూస్‌టుడే : విధానసభ ఎన్నికలు శాంతియుతంగా, పారదర్శకంగా నిర్వహించడానికి వివిధ పార్టీ నేతలు అధికారులతో సహకరించాలని జిల్లా ఎన్నికల అధికారి, జిల్లా పాలనాధికారి పవన్‌కుమార్‌ మాలపాటి, జిల్లా పంచాయతీ సీఈవో, స్వీప్‌ సమితి అధ్యక్షుడు రాహుల్‌ శరణప్ప సంకనూర కోరారు. బుధవారం మధ్యాహ్నం జిల్లా పాలనాధికారి కార్యాలయంలో వివిధ పార్టీ నేతలతో ఏర్పాటు చేసిన సమావేశంలో ఆయన మాట్లాడారు. పార్టీలు సభలు, సమావేశాలు తదితర అనుమతులు పొందడానికి ఆన్‌లైన్‌ ద్వారా దరఖాస్తులు సమర్పించి అనుమతి తీసుకోవాలన్నారు. పోటీ చేసిన అభ్యర్థి ప్రత్యేక బ్యాంకు ఖాతా ప్రారంభించి వాటి వివరాలను నామపత్రంతో జత చేసి అందజేయాలన్నారు. నిత్యం ఎన్నికల ఖర్చుల వివరాలు ఇవ్వాలన్నారు. ఘర్షణలు, తదితర ఘటనలు జరిగే వారిపై చట్టపరమైన చర్యలు తీసుకుంటామని హెచ్చరించారు. ఈసమావేశంలో కాంగ్రెస్‌, భాజపా. జేడీఎస్‌, వామపక్షాలు తదితర పార్టీ నేతలు పాల్గొన్నారు.