భవానీకి టికెట్‌ కోసం పట్టు

హాసన, న్యూస్‌టుడే : హాసన టికెట్‌ భవానీకి కాకుండా, మరొకరికి ఇస్తే తాను అంగీకరించనని జనతాదళ్‌ సీనియర్‌ నేత, మాజీ మంత్రి హెచ్‌డీ రేవణ్ణ స్పష్టం చేశారు. ఆయన గురువారం ఇక్కడ విలేకరులతో మాట్లాడారు. ఎన్నికల అనంతరం దళ్‌ పార్టీనే ప్రభుత్వాన్ని ఏర్పాటు చేస్తుందని ధీమా వ్యక్తం చేశారు. ఒక వేళ హంగ్‌ వచ్చినా.. దళ్‌ సహకారం లేకుండా ఎవరూ ప్రభుత్వాన్ని ఏర్పాటు చేయడం సాధ్యం కాదన్నారు. భవానీకి అవకాశమిస్తే, ఆమెను గెలిపించే బాధ్యత తనదని చెప్పారు. హాసనలో దళ్‌ అభ్యర్థిపై ఘన విజయాన్ని సాధిస్తానని భాజపా అభ్యర్థి ప్రీతం గౌడ చేసిన సవాలును తాను స్వీకరించి- ఆ సవాలుకు కట్టుబడి ఉన్నానని రేవణ్ణ పేర్కొన్నారు. ఈ విషయమై పార్టీ నాయకులం అందరూ కలిసి చర్చించి తీర్మానిస్తామని హెచ్‌డీ కుమారస్వామి తెలిపారు. త్వరలోనే ‘హాసన’ ఎవరికి కేటాయిస్తామో ప్రకటిస్తామన్నారు.