జనసంద్రం నడుమ జోడు రథోత్సవం

మరియమ్మన హళ్లిలో జనసంద్రం నడుమ లక్ష్మీనారాయణ, ఆంజనేయ స్వామి జోడు రథోత్సవం

హొసపేటె, న్యూస్‌టుడే: హొసపేటె తాలూకా మరియమ్మన హళ్లిలో గురువారం సాయంత్రం లక్ష్మీనారాయణ, ఆంజనేయ స్వామి జోడు రథోత్సవం భక్తజనసంద్ర నడుమ కనులపండువగా జరిగింది. పట్టణ వీధిలో భక్తులు ఎంతో శ్రద్ధగా రథాన్ని లాగారు. రథోత్సవాన్ని పురస్కరించుకుని ఉగాది పండుగ మరుసటి రోజు నుంచి ఆలయంలో పలు ధార్మిక కార్యక్రమాలు, పూజాకైంకర్యాలు ఆరంభమయ్యాయి. ఏటా రామనవమిలోనే స్వాములవారి జోడు రథోత్సవం జరగడం ఆనవాయితీగా వస్తోందని ఆలయం ప్రముఖులు తెలిపారు. మరియమ్మన హళ్లి, డణాపుర, హనుమన హళ్లి, దేవలాపుర, వెంకటాపుర, గరగ, నాగలాపుర నుంచి పెద్దఎత్తున భక్తులు రథోత్సవంలో పాల్గొన్నారు.