మఠాధిపతుల ముందడుగు

సమావేశంలో వీరశైవ మఠాలకు చెందిన మఠాధిపతులు, వీరశైవ లింగాయత సముదాయం నేతలు

బెంగళూరు (మల్లేశ్వరం), న్యూస్‌టుడే : వీరశైవ లింగాయత సముదాయానికి రిజర్వేషన్ల పెంపునకు సంబంధించి గత ప్రభుత్వం ఇచ్చిన హామీలను నెరవేర్చేందుకు ప్రస్తుత ముఖ్యమంత్రి సిద్ధరామయ్య చర్యలు తీసుకోవాలని ఆ సముదాయానికి చెందిన మఠాధిపతులు డిమాండు చేశారు. వీరశైవ లింగాయత మఠాధిపతులు, మహాసభ ప్రతినిధులు శుక్రవారం బెంగళూరులో ప్రత్యేకంగా సమావేశమై గళం సవరించుకున్నారు. సమాజ ప్రజల హక్కుల పరిరక్షణకు స్వరం పెంచారు. రిజర్వేషన్ల పెంపునకు సంబంధించి కేంద్రం ముందున్న సిఫార్సులను అములు చేయించేలా ముఖ్యమంత్రి, మంత్రులతో చర్చించాలని శుక్రవారం నిర్వహించిన సమావేశంలో తీర్మానం చేశారు.