నైపుణ్యంతోనే భవితకు పునాది

కార్యక్రమ ప్రారంభ జ్యోతి వెలిగిస్తున్న సుధామూర్తి

బెంగళూరు (మల్లేశ్వరం), న్యూస్‌టుడే : విద్యార్థులలోని నైపుణ్యాలను గుర్తించి ప్రోత్సహిస్తే వారు భవిష్యత్తులో ఉన్నత స్థానాలకు చేరుకుంటారని ఇన్ఫోసిస్‌ ఫౌండేషన్‌ అధ్యక్షురాలు సుధామూర్తి పేర్కొన్నారు. ప్రతి ఒక్కరిలో వారి అభిరుచికి అనుగుణమైన రంగంలో కౌశల్యాలను ఒంటబట్టించుకుంటే, చక్కగా రాణించవచ్చని చెప్పారు. జేపీనగరలోని ఆర్‌వీ పీయూ కళాశాలలో ర్యాంకులు సాధించిన విద్యార్థులకు ప్రశంస పత్రాలు, బంగారు పతకాలను వితరణ చేసి మాట్లాడారు. ఒత్తిడితో కాకుండా, విద్యార్థులకు ఆసక్తి ఉన్న రంగాలను ఎంచుకునేందుకు ప్రోత్సహించాలని తల్లిదండ్రులకు ఆమె పిలుపునిచ్చారు.