విద్యుదాఘాతంతో రైతు మృతి

మృతదేహాన్ని పరిశీలిస్తున్న పోలీసులు

కొత్తపేట(నిజామాబాద్‌ గ్రామీణం), న్యూస్‌టుడే: నిజామాబాద్‌ మండలం కొత్తపేట(మల్కాపూర్‌) గ్రామానికి చెందిన నీరడి రాజయ్య(42) అనే రైతు విద్యుదాఘాతంతో మృతి చెందారు. గ్రామీణ ఎస్సై లింబాద్రి వివరాల ప్రకారం.. తన వ్యవసాయ క్షేత్రంలో వరి సాగు చేస్తున్న రాజయ్య శుక్రవారం తెల్లవారుజామున 5 గంటలకు పొలానికి నీరు పారించాలని వచ్చారు. బోరు వేసేందుకు మోటార్‌ స్విచ్‌ బోర్డును ముట్టుకోగానే విద్యుదాఘాతానికి గురయ్యారు. దీంతో అక్కడికక్కడే మరణించారు. మృతుడి భార్య లక్ష్మి ఇచ్చిన ఫిర్యాదు మేరకు విచారణ చేస్తున్నట్లు ఎస్సై తెలిపారు.