సమస్యలపై కలెక్టర్‌కు వినతులు

ఖమ్మం కలెక్టరేట్‌, న్యూస్‌టుడే: జిల్లాలోని పలు ప్రాంతాల నుంచి వచ్చిన ప్రజలు తమ సమస్యలు పరిష్కరించాలని కోరుతూ కలెక్టర్‌ గౌతమ్‌కు కలెక్టరేట్‌లో సోమవారం వినతులు అందించారు. కొవిడ్‌ నిబంధనల మేరకు గ్రీవెన్స్‌ డేను రద్దు చేయగా, తమ సమస్యలపై అర్జీలు అందించేందుకు పలువురు కలెక్టరేట్‌లోని పరిష్కృతి విభాగం వద్ద వేచిఉన్నారు. అటుగా వెళుతున్న కలెక్టర్‌ను పలువురు కలిసి అర్జీలు అందించారు. పెనుబల్లి మండలంలోని పలు గ్రామాలకు చెందినవారు కొత్తగూడెం-సత్తుపల్లి రైల్వేలైన్‌ నిర్మాణంలో తమ భూములు తీసుకున్నారని, నష్టపరిహారం పూర్తి స్థాయిలో ఇప్పించాలని కోరుతూ వినతి పత్రాలు అందించారు.